ప్రపంచవ్యాప్తంగా 30 సంవత్సరాల్లోపు యువత (జెన్ జెడ్) మెచ్చిన నగరాల్లో బ్యాంకాక్ (థాయ్లాండ్) అగ్రస్థానంలో నిలిచింది. ముఖ్యంగా అందుబాటు ధరలు, సంస్కృతి, రాత్రివేళల్లో వినోదభరిత జీవనం, నాణ్యమైన జీవితం- ఈ నాలుగు అంశాలకు వాళ్లు అధిక ప్రాధాన్యం ఇస్తున్నట్లు ఓ సర్వే తెలిపింది. ప్రస్తుత సంవత్సరానికి గాను టైమ్ అవుట్ ఈ సర్వేను నిర్వహించింది. ప్రపంచవ్యాప్తంగా సుమారు 18,500 మంది ఇందులో పాల్గొని తమ అభిప్రాయాలను వెల్లడించారు. ఇందులో రెండో ఉత్తమ నగరంగా మెల్బోర్న్కు ఎక్కువ మంది ఓటేశారు. ఆస్ట్రేలియాకు చెందిన ఈ నగరంలో అందరికీ సమాన అవకాశాలతో కూడిన పరిస్థితులు, సంస్కృతి విధానాలు తమకు నచ్చాయని యువత వెల్లడించినట్లు సర్వే తెలిపింది. మూడో స్థానంలో నిలిచిన కేప్టౌన్లో ప్రకృతి సౌందర్యం, రాత్రిపూట వినోధభరిత జీవనం వంటి అనుకూలతలు ఉన్నట్లు వారు చెప్పారని పేర్కొంది.
అత్యధిక యువత మెచ్చిన నగరం బ్యాంకాక్
By apanalysis
