ఎన్టీఆర్‌ పుట్టినరోజున ఓ కీలకమైన అప్‌డేట్‌

ఎన్టీఆర్‌ పుట్టినరోజు సందర్భంగా ‘వార్‌ 2’ బృందం నుంచి ఓ కీలకమైన అప్‌డేట్‌ రానుంది. ఆ విషయాన్ని కథానాయకుడు హృతిక్‌ రోషన్‌ స్వయంగా వెల్లడించారు. హృతిక్, ఎన్టీఆర్‌ ప్రధాన పాత్రధారులుగా ‘వార్‌2’ రూపొందుతున్న సంగతి తెలిసిందే. అయాన్‌ ముఖర్జీ దర్శకత్వం వహిస్తున్నారు. యశ్‌రాజ్‌ ఫిల్మ్స్‌ స్పై యూనివర్స్‌లో భాగంగా ఈ చిత్రం రూపొందుతోంది. భారీ అంచనాలున్న ఈ సినిమా ఈ ఏడాది ఆగస్టు 14న హిందీ, తెలుగు, తమిళ భాషల్లో విడుదల కానుంది. ఈ నెల 20న ఎన్టీఆర్‌ పుట్టినరోజు. ఈ సందర్భంగా ఈ చిత్రం నుంచి ఎన్టీఆర్‌ లుక్‌ కానీ, ఇతర అప్‌డేట్స్‌ కానీ బయటికి వస్తాయనే అంచనాలతో ఉన్నారు అభిమానులు. అది నిజమేనని చాటుతూ, ఎన్టీఆర్‌ని ఉద్దేశించి హృతిక్‌ ఎక్స్‌ ద్వారా ఓ పోస్ట్‌ని పంచుకున్నారు. ‘తారక్‌… మే 20న ఏ అప్డేట్‌ రాబోతోందో, అసలు ఏం జరగబోతోందో తెలుసా? నువ్వు అస్సలు ఊహించలేవు. అంతా సిద్ధంగా ఉన్నారా?’ అంటూ ఆ పోస్ట్‌లో రాసుకొచ్చారు హృతిక్‌.