ఓజీ నుంచి ప్రియాంక మోహన్‌ లుక్‌..

పవన్‌కల్యాణ్‌ (Pawan Kalyan) కథానాయకుడిగా సుజీత్‌ దర్శకత్వంలో రూపొందుతున్న గ్యాంగస్టర్‌ డ్రామా ‘ఓజీ’ (OG Movie). ఇప్పటికే చిత్రీకరణ పూర్తి చేసుకున్న ఈ మూవీ సెప్టెంబరు 25న (og movie release date) ప్రేక్షకుల ముందుకు రానుంది. ఈ నేపథ్యంలో సినిమా ప్రచార కార్యక్రమాలను ముమ్మరం చేసింది. ఇందులో భాగంగా ప్రియాంక మోహన్‌ పాత్రను పరిచయం చేసింది. ఇందులో కణ్మని పాత్రలో ప్రియాంక అలరించనుంది. ఓజెస్‌ గంభీరగా పవన్‌కల్యాణ్‌ నటిస్తున్న సంగతి తెలిసిందే. ప్రస్తుతం విడుదల చేసిన ప్రియాంక లుక్‌ చూస్తుంటే, ఓజీ ఫ్లాష్‌బ్యాక్‌ సంబంధించిన సన్నివేశాల్లో ఉంటుందని తెలుస్తోంది. ప్రియాంక చీరకట్టులో విడుదల చేసిన చిత్రాలు ఆకట్టుకుంటున్నాయి. అంతేకాదు, చిత్ర బృందం మరో సర్‌ప్రైజ్‌ కూడా ఇచ్చింది. సెకండ్‌ సింగిల్‌ ప్రోమోను త్వరలో విడుదల చేయనున్నట్లు తెలిపింది. డీడీవీ ఎంటర్‌టైన్‌మెంట్‌ పతాకంపై డీడీవీ దానయ్య ఈ సినిమాను నిర్మిస్తున్నారు. తమన్‌ సంగీతం అందిస్తున్నారు.