నరాల బలహీనత – చికిత్స

నరాల బలహీనత అంటే…
అంగం స్తంభించకపోవడానికి నరాల బలహీనత అనేది ఒక కారణం మాత్రమే. నరాల బలహీనతవల్ల అంగం స్తంభించకపోవడం చాలా అరుదు. షుగర్ వుంటే సెక్స్లో అసమర్థత కలగవచ్చు, నరాలు మొద్దుబారవచ్చు, వెన్నుకి ఆపరేషన్ జరిగితే అటోనామిక్ నర్వ్ సిస్టం దెబ్బతినవచ్చు. అయితే అందరిలోనూ కాదు. కానీ అలా జరుగుతుందని భయపడితే వాస్తవానికి అక్కడి నరాలు దెబ్బతినక పోయినా, భయంవల్ల అంగస్తంభనాలు లేకపోవచ్చు. అందుకని నిజంగానే నరాలు దెబ్బతిన్నదీ లేనిదీ నిర్ధారణ చేయడానికి న్యూరలాజికల్ ఎగ్జామినేషన్ తోడ్పడుతుంది.

నరాల బలహీనత అనుకునేది నిజంగా నరాల బలహీనత కాదు
సెక్స్లో
పాల్గొనలేకపోతే, అంగం స్తంభించకపోతే, రతి మధ్యలోనే అంగం మెత్తబడిపోతే నరాల
బలహీనత ఉందని అనుకుంటారు. కాని ఇలా అనుకునేది నిజంగా నరాల బలహీనత కానేకాదు.
భయంవల్ల, ఆందోళన వల్ల అంగం స్తంభించకుండా అవుతుంది లేదా రతి మధ్యలోనే అంగం
మెత్తబడిపోతుంది. సాధారణంగా కొత్త అనుభవం కావడం, కొత్త వ్యక్తులు, కొత్త
పరిసరాలు కావడం అంగస్తంభన వైఫల్యానికి కారణాలు. ఆ పరిసరాలు, ఆ వ్యక్తులు
పాతబడిపోతే భయంలేని వాతావరణ ఏర్పడితే అంగస్తంభనలు పటిష్టంగానే కలుగుతాయి.పై
విషయాలని అర్థం చేసుకుంటే మొదట్లో అంగస్తంభన వైఫల్యం కలిగినా ఈజీగా
తీసుకుని ఆ తర్వాత చక్కని అంగస్తంభనలతో సెక్స్ ఎంజాయ్ చేస్తారు. సెక్స్
గురించి అవగాహన లేనివాళ్ళు ఒకసారి సెక్స్లో ఫెయిల్ అయితే ఒక విధమైన
భయాన్ని, యాంక్జైటీని పెంచుకుని రతిలో పాల్గొన్న ప్రతిసారి అంగస్తంభన
వైఫల్యాన్ని పొందుతారు.

ప్రత్యేకంగా చేసే నరాల పరీక్షల్లోనేకాకుండా రొటీన్గా చేసే పరీక్షల్లో కూడా అంగ స్తంభనకు తోడ్పడే నరాలు దెబ్బతిన్నదీ లేనిదీ తెలుస్తుంది. వీరిలో సాధారణంగా ‘నీ హమర్’తో చేసే పరీక్షలో కాళ్లలోని డీప్ టెండాన్ రిఫ్లెక్స్ తక్కువ స్థాయిలో వుంటాయి. బల్బోకావర్నస్ రిఫ్లెక్స్ లేకుండా అవుతుంది. సూదితో గుచ్చితే యస్ 2, యస్ 4 నర్వ్స్ సరఫరా అయ్యే ప్రదేశాలు మొద్దుబారి వుంటాయి. ఈ పరీక్షలు అతి సింపుల్. రొటీన్గా చేసేవి. వీటిని బట్టి అంగస్తంభనకి కావలసిన నరాలు ఆర్డర్లో వున్నవీ లేనివీ తెలుస్తుంది.

నరాల పరీక్షతో ఒక నిర్ధారణకు వచ్చే ముందు అవసరంబట్టి సీరం టెస్టోస్టిరోన్, ఇతర హర్మోన్ల శాతం ఎంత వున్నదీ నిర్ధారణ చేయవలసి వస్తుంది. మధుమేహం వ్యాధి వున్నదీ లేనిదీ తేల్చుకోవడం, హర్మోన్ల పరిస్థితి అంచనా వేయడం, ఇతర శారీరక అనారోగ్య పరిస్థితులను పరీక్ష చేయడం జరిగిన తరువాత అవసరంబట్టి నరాలకి సంబంధించిన మరికొన్ని పరీక్షలు చేయవలసి వుంటాయి. వీటిలో కొన్ని అతిసాధారణ పరీక్షలైతే మరికొన్ని సోఫిస్టికేటెడ్ అవుతాయి. నరాలు ఫంక్షన్లో లేనప్పుడు అసలు అంగస్తంభనే వుండదు. మనసులో తెలియని భయం, ఆందోళన, కంగారు, ఇన్ఫీరియారిటీ కాంప్లెక్స్, అనుమానం వున్నవారిలో మెలకువగా వున్నప్పుడు అంగస్తంభన వుండదు. ఎంత ప్రయత్నించినా అంగం గట్టిపడదు.

తెల్లవారుఝామున జరిగే అంగస్తంభనల ప్రాధాన్యత
ఇటువంటి పరిస్థితి వున్నవారు తమకి నరాల బలహీనత వుందని అపోహ చెందుతారు.వాస్తవానికి వీరిలో అంగస్తంభనలకి కావలసిన నరాలు పెర్ఫెక్ట్గా వుంటాయి. యన్.పి.టి.(నాక్టర్నల్ పెనైల్ ట్యుమెసెన్స్) టెస్ట్ ద్వారా ఇది నిర్ధారణ చేసుకోవచ్చు. వీరిలో మెలకువగా వున్నప్పుడు అంగం స్తంభించడం వుండదు. నిద్రలో మాత్రం అంగం పూర్తిగా గట్టిపడుతుంది. ముఖ్యంగా తెల్లవారుఝామున అంగం బాగా గట్టిపడి కనబడుతుంది.

అంగస్తంభన వైఫల్యానికి పరీక్షలు
యన్.పి.టి. టెస్ట్ని ఎవరిమటుకు వారు స్వయంగా చేసుకోవచ్చు. రాత్రి పడుకునే ముందు పెర్ఫొరేషన్ (కన్నాలు) వున్న పోస్టల్ స్టాంపులని పురుషాంగానికి గుండ్రంగా అంటించాలి. నిద్రలో అంగం స్తంభించగా పోస్టల్ స్టాంపులకి మధ్య కన్నాలు వున్నచోట చిరిగి వేరు వేరు అవుతాయి. అలా వేరైన స్టాంపులబట్టి అంగం స్తంభించినట్లు నిర్ధారణ చేసుకోవచ్చు. నరాల బలహీనతే వుంటే అంగం స్తంభించడం, పెర్ఫొరేషన్ దగ్గర స్టాంపులు చిరిగి వేరు అవడం జరగదు.

ఎలక్ట్రోమయోగ్రఫీ (ఇ.యం.జి) : పరీక్షల ద్వారా కూడా నరాల వ్యాధిని గుర్తించవచ్చు.
వాసోయాక్టివ్ డ్రగ్స్తో టెస్ట్ : పురుషాంగానికి నేరుగా కావర్నస్ సైనస్లోకి ‘పపావరిన్’ఇంజక్షన్ చేస్తే 10 నిమిషాల్లోనే అంగం పూర్తిగా స్తంభిస్తుంది. ఈ టెస్ట్ కూడా అంగస్తంభనానికి నరాలు చక్కగా పనిచేస్తున్నాయని తెలియజేస్తుంది.
డాపలర్ ఎగ్జామినేషన్ ద్వారా అంగస్తంభనానికి కావలసిన రక్తప్రసారం సక్రమంగా వున్నదీ లేనిదీ, రక్తనాళాల పరిస్థితి ఎలా వున్నదీ తెలుస్తుంది.

పెనైల్ బ్రేకియల్ ఇండెక్స్ కూడా అంగస్తంభనకి కావలసిన సమాచారాన్ని తెలియ జేస్తుంది. ఒక స్పెషల్ పెనైల్ కఫ్, డాపలర్ ప్రోబ్తో పురుషాంగమూ- చెయ్యికి సంబంధించిన సిస్టోలిక్ బ్లడ్ప్రెషర్స్ గుర్తించి పెనైల్ రీడింగ్తో చెయ్యికి చెందిన రీడింగ్తో డివైడ్ చేస్తే పెనైల్ బ్రేకియల్ ఇండెక్స్ వస్తుంది. ఇది 0.8 కంటే తక్కువ వుంటే పురుషాంగానికి రక్త ప్రసారం తక్కువ వున్నట్లు, దానివల్ల అంగస్తంభనలు లేనట్లు స్పష్టంగా తెలుస్తుంది.
ఈ విధంగా అంగస్తంభనకి సంబంధించిన పరీక్షలు అవసరం బట్టి చేసి అంగస్తంభనం ఎందుకు లేదో నిర్ధారణ చేసుకోవచ్చు.

వినాళగ్రంధుల లోపం వల్ల సెక్స్ బలహీనత
మెదడులో వుండే పిట్యూటరీ గ్రంధి, మెడ ముందు వుండే థైరాయిడ్ గ్రంధి, కడుపులోవుండే పాన్క్రియాస్ గ్రంథి పొత్తికడుపు దిగువున వుండే ఓవరీస్- ఇవన్నీ వినాళ గ్రంధులే.ఈ వినాళ గ్రంధులు కొన్ని రకాల హర్మోన్లని తగిన మోతాదులో విడుదల చేస్తాయి. అవి మొదటినుంచి తగినంత విడుదల చేయకపోయినా, మొదట్లో బాగానే వుండి, తరువాత తగ్గినా ఇతర శారీరక బాధలతో పాటు సెక్స్ బలహీనత కూడా ఏర్పడుతుంది.

థైరాయిడ్ గ్రంధి సక్రమంగా పనిచేయక పోవడంవల్ల థైరాక్సిన్ ఉత్పత్తి తగ్గుతుంది. థైరాక్సిన్ తగినంత ఉత్పత్తి అవుతున్నప్పుడు ఆ హర్మోన్ ప్రభావం వల్ల మెదడులోని హైపోథాల మస్, పిట్యూటరీ తగిన విధంగా పనిచేసి వృషణాల నుంచి తగినంత టెస్టోస్టిరోన్ (పురుష సెక్స్ హర్మోన్) ని ఉత్పత్తి చేస్తాయి. థైరాయిడ్ గ్రంధి ఏ కారణంవల్లనైనా తగినంత పనిచేయక పోతే పురుష సెక్స్ హర్మోన్ ఉత్పత్తి తగ్గుతుంది. దానితో సెక్స్లో బలహీనత ఏర్పడుతుంది.

ఏ కారణంవల్లనైనా పురుషులలో రెండు వృషణాలని తొలగించడం జరిగితే వారిలో తప్పకుండా సెక్స్ సామర్థ్యం తగ్గుతుంది. అంగస్తంభనలు వుండవు. వృషణాలు ఎదగకుండా వుండి, ఉపలైంగిక లక్షణాలు తగినంత రానప్పుడు టెస్టోస్టిరాన్ ఇంజక్షన్స్ చేస్తే వారిలో గడ్డాలు- మీసాలు చక్కగా వస్తాయి. సెక్స్ కోరికలు ఉరకలేస్తాయి. అంగస్తంభనం పటిష్టంగా తయారవుతుంది. దీన్నిబట్టి పురుషునిలో యాండ్రోజన్స్ (టెస్టోస్టిరాన్) సెక్స్ సామర్థ్యానికి ఎంత తోడ్పడుతుందో తెలుస్తుంది.స్టోస్టిరాన్ హర్మోన్ని వృషణాల్లోని లైడింగ్ సెల్స్ ఉత్పత్తి చేసినా పిట్యూటరీ గ్రంధినుండిఉత్పత్తి అయ్యే ల్యూటినైజింగ్ హర్మోన్ ఇందుకు అవసరం. ఇది తగినంత ఉత్పత్తి కాకపోతే వృషణాల నుంచి సెక్స్ హర్మోన్ తగినంత ఉత్పత్తి కాదు.

ల్యూటినైజింగ్ హర్మోన్ సరిగ్గా విడుదల కావాలంటే మెదడులోని హైపోథాలమస్ ప్రాంతం నుంచి గొనాడోట్రాపిన్ రిలీజింగ్ హర్మోన్ తగినంత ఉత్పత్తి కావాలి. ఈ గొనాడోట్రాపిన్ రిలీజింగ్ హర్మోన్ సరిగ్గా విడుదల కావాలంటే మెదడులో వుండే న్యూరల్ పెప్టయిడ్స్, న్యూరో ట్రాన్స్మీటర్ అనే ఎంజైమ్స్ సక్రమంగా పనిచేయాలి.

సెక్స్ని ప్రభావితం చేసే ఇతర హర్మోన్లు
ఇవే కాకుండా డోపమిన్ అనే మరో ఎంజైమ్ తక్కువ ఉత్పత్తి కావడంతో పిట్యూటరీ గ్రంధి నుండి ప్రోలాక్టిన్ హర్మోన్ ఎక్కువ ఉత్పత్తి అయి గొనాడో ట్రాపిన్ రిలీజింగ్ హర్మోన్ని తగినంత విడుదలకాకుండా చేస్తుంది. దానితో టెస్టోస్టిరాన్ ఉత్పత్తి తగ్గి అంగస్తంభనం సక్రమంగా లేకుండా అవుతుంది. అందుకని అంగస్తంభనాలు నిజంగా తగినంత లేనప్పుడు సీరం ప్రోలాక్టివ్ లెవెల్స్ ఎక్కువ అయినదీ లేనిదీ గమనించాలి. అలాగే ల్యూటనైజింగ్ హర్మోన్ శాతం ఎంత వున్నదీ తెలుసుకోవాలి. ఒకవేళ సీరం ప్రోలాక్టివ్ శాతం పెరిగితే తగ్గడానికి బ్రోమోక్రిస్టిన్ మందులు వాడాలి.స్టోస్టిరాన్ హర్మోన్ శాతం పరీక్షచేసి, తక్కువ వున్నట్లయితే ఈ హర్మోన్ ఇంజక్షన్స్పది- పదిహేను రోజులకి ఒకటి చొప్పున చేయించాలి. హర్మోన్ల లోపం వున్నవారికి ఈ ఇంజక్షన్స్ చేయించుకోవడం వల్ల మంచి ఫలితం వుంటుంది.

పురుషాంగానికి రక్తప్రసరణ లోపంతో పుంసత్వంలో తేడా
సెక్స్లో పాల్గొన్నప్పుడు అంగస్తంభన వైఫల్యం కలగడంలో మానసిక ఆందోళన ప్రథమ స్థానం ఆక్రమించగా ఆ తరువాత స్థానం పురుషాంగంలోని రక్తనాళాల లోపం రెండవ స్థానం పొందుతుంది.
దీర్ఘకాలంగా రక్తపోటు వున్నవారిలో, ఎథిరోస్ల్కిరోసిన్ వల్ల రక్తనాళాలు గట్టిపడినవారిలో, అధికంగా పొగతాగే అలవాటున్నవారిలో, రక్తంలో కొలెస్టరాల్, ట్రైగ్లిసరైడ్స్ అధికశాతంలో వుండేవారిలో పురుషాంగానికి రక్తప్రసారం లోపం రావచ్చు.
బీర్జాలకి దిగువభాగంలో ప్రమాదవశాత్తు గాయమై రక్తనాళాలు దెబ్బతిన్నవారిలో, పురుషాంగానికి రక్తప్రసారం చేసే రక్తనాళాలకి ఏదైనా ఆపరేషన్ జరిగినప్పుడు రక్తప్రసరణలో లోపం ఏర్పడి అంగస్తంభన అంత పటిష్టంగా వుండకపోవచ్చు.

పురుషాంగానికి రక్తప్రసరణలో లోపం లేకపోతే ఇంట్రాకేవర్నస్ పెపావర్న్ ఇంజక్షన్ ఇచ్చిన పన్నెండు నిమిషాలలోగా అంగం పూర్తిగా గట్టిపడుతుంది. అలా గట్టిపడిన పురు షాంగం కనీసం ముప్పై నిమిషాలు పటిష్టంగా వుంటుంది.
పురుషాంగానికి రక్తప్రసరణలో లోపంవుంటే, రక్తనాళాలు సన్నబడి రక్తప్రసరణ తక్కువ వుంటే ఇంట్రాకేవర్నస్ పెపావరిన్ ఇంజక్షన్ ఇచ్చిన తరువాత స్తంభించడానికి పన్నెండు నిమిషాల కంటే ఎక్కువ సమయం తీసుకుంటుంది. ఒకవేళ స్తంభించినా అంగం పూర్తిగా గట్టిపడటం జరగదు. ఒకవేళ కొద్దో గొప్పో గట్టిపడినా త్వరగా మెత్తబడుతుంది.

పురుషాంగం గట్టిపడి ఎక్కువసేపు నిలబడి వుండాలంటే అంగం స్తంభించిన తరువాత సిరలు (వెయిన్స్) పురుషాంగంలోకి చేరిన రక్తాన్ని రతి ముగిసే వరకు జనరల్ సర్క్యులేషన్లోకి చేర్చకుండా పురుషాంగంలోనే నిలబెట్టి వుంచి అంగ పటిష్టతని కాపాడాలి. వీనస్ లీకేజ్ వున్నవారిలో అంగం గట్టిపడి నిలబడటం వుండదు. ఈ పరిస్థితి వున్నవారిలో సర్జరీ చేసి పరిస్థితిని చక్కదిద్దవలసి వుంటుంది.

కొలెస్టరాల్ శాతం ఎక్కువ వున్న వారిలో, మధుమేహం వున్నవారిలో, ధూమపానంచేసేవారిలో రక్తనాళాలు గట్టిపడి, సన్నబడి రక్తప్రసారం తగ్గి సెక్స్లో అసమర్ధత కలగవచ్చు.అందుకని మధుమేహన్ని పూర్తిగా అదుపులో వుంచుకోవాలి. కొలెస్టరాల్ పెరగకుండా ఆహరంలో జాగ్రత్త పడాలి. ధూమపానం మానివేయాలి.

మధమేహం వుంటే నరాల బలహీనత
అధిక సంఖ్యాక షుగర్ రోగుల్లో షుగర్ వ్యాధివల్ల పది నుంచి ఇరవై శాతం మాత్రమే బలహీనత ఏర్పడుతుంది. ఈ తేడావల్ల అంగం స్తంభించడంలో, గట్టిపడడంలో కొద్దిగా ఆలస్యం కలగవచ్చు. ఒకసారి అంగస్తంభన కలిగిన తరువాత అంతా మామూలుగా సక్ర మంగానే వుంటుంది.

ఈ సింపుల్ అబ్జర్వేషన్ అలా వుండగా బ్లడ్ సుగర్ టెస్ట్ ద్వారా వ్యాధి తీవ్రతని అంచనా వేయడం, డాప్లర్ టెస్ట్ ద్వారా పురుషాంగంలోని రక్తనాళాల్లోకి రక్తం తగినంత వెళుతున్నదీ లేనిదీ తేల్చుకోవడం, రిజిస్కాన్ ద్వారా అంగం దృఢత్వాన్ని తేల్చడం వంటివి ఎంతైనా అవసరం.

వీటన్నిటికి తోడు ఆ వ్యక్తి మానసిక స్థితిని అంచనా వేయడం అవసరం.
షుగర్ వ్యాధి ఇన్సులిన్ ఇంజక్షన్కే తగ్గుతుందా, మాత్రలతో తగ్గుతుందా నిర్ధారణ చేసుకుని ఆ రకంగా పూర్తి మోతాదులో మందు వాడి వ్యాధిని పూర్తిగా అదుపులోకి తీసుకు రావాలి. బ్లడ్ షుగర్ని ఎప్పుడూ నార్మల్గా వుండేటట్లు చూడాలి. షుగర్ పెరగకుండాజాగ్రత్తపడాలి.

దెప్పి పొడుపులతో పచ్చని సంసారాన్ని బజారుపాలు చేసుకునే దంపతులు

స్త్రీలైనా పురుషులైనా చిన్నతనం నుంచి ఎవరికి వారు ఒక ప్రత్యేక వ్యక్తిత్వాన్ని విశిష్టతని సంతరించుకుంటారు. పెంపకం ప్రభావం కూడా వారి మీద ఉంటుంది. ఎప్పటికీ ఒకరిని మరొకరు పూర్తిగా అర్థం చేసుకోవడం జరగదు. అయితే భార్యాభర్తల మధ్య కలతలు రాకుండా ఉండాలంటే మనసులు కలిసిన విషయాలకి ఆనందించటం, భిన్న దృక్పధంలో ఉన్న విషయాలని అభిమానించటం చేయాలి. ఎదుటివారిలో లోపాలు ఎత్తి చూపడంగాక వారిలో ఉన్న సామర్థ్యాన్ని మెచ్చుకోవాలి. అప్పుడే భార్యాభర్తల మధ్య కలహలకి చోటు లేకుండా పోయి ఆనందం వెల్లివిరుస్తుంది. వారి వ్యక్తిత్వాల్లో అభ్యుదయం కనబడుతుంది.